全文內容
今次兵團小編要和大家分享嘅維修個案，係關於一部Whirlpool惠而浦上置式洗衣機，型號為AWE7085N。客人報告話出現咗燈號異常，尤其係Clean Pump燈一直閃爍，暗示緊可能洗衣機排水有問題。
維修兵團師傅上門後馬上就投入工作，經過仔細檢查，發現排水泵並無運作。為咗確認問題所在，師傅幫客人先行放水，進行排水系統嘅深入檢測。師傅發現原來客人有使用吸色紙嘅習慣，而吸色紙因為夠薄，竟然穿越咗洗衣籃，鑽進咗排水系統內部，最終卡在排水泵處。
老實講，吸色紙的確係清洗衣物時嘅好幫手，因為佢可以防止顏色互相渲染，但係使用時要留意，要放入洗衣袋中，嚟避免類似嘅問題發生。因為吸色紙卡住咗排水泵，排水泵就長期處於壓力之下，最終導致損壞。經過師傅嘅專業判斷，決定為客人更換排水泵。
維修兵團師傅提醒，洗衫前要檢查一下褲袋，確保無異物，同時吸色紙最好放進洗衣袋中使用。咁一來，不僅你嘅衣物顏色能夠保持亮麗，你嘅洗衣機排水泵都會變得更加耐用，不會因為小小嘅疏忽而提早退役。
萬一部洗衣機壞咗需要維修，歡迎隨時找維修兵團幫手，兵團的極速上門服務覆蓋全香港絕大部分地區。你除了可致電23604000，也可WhatsApp到66766466，或到維修Whirlpool惠而浦洗衣機網站了解更多服務細節。
